Правдико

   

Хондурас уапси петмина Сиријци, се претставувале како Грци

© Copyright 2017 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Пограничните власти на Хондурас уапсиле петмина сириски мигранти, кои се обиделе да влезат во оваа централноамериканска држава претставувајќи се како Грци.

1119E49D3475DC4884604AE23F03E815

Сите петмина допатувале со авион од Салвадор и на аеродромот во главниот град на Хондурас, Тегусигалпа на имигрантската служба им покажале грчки пасоши, со кои сакале да го продолжат патот кон САД.

Грчки дипломати во Хондурас изјавиле дека пасошите на сите петмина се лажни и дека тие не се Грци, ниту пак знаат да зборуваат грчки јазик.

На сослушувањето, полицијата утврдила дека Сиријците сакале од Тегусигалпа, да отпатуваат до градот Сан Педро Сула, на границата со Гватемала, а од таму прекува оваа земја и Мексико да дојдат до американската граница.

Станува збор за пат долг повеќе од две илјади километри.

Властите на Хондурас, а и на Салвадор, не знаат како и каде ги обезбедиле грчките пасоши, како што не го знаат ниту нивниот вистински идентитет.

Се стравува дека тие можеби не се ниту Сиријци, па полицијата во Тегусигалпа побарала помош од Интерпол.

Инцидентот со лажните Грци во Хондурас, доаѓа по апсењето на една Сиријка во Сан Хозе, која на властите во Костарика им се преставила како бегалец од сириската војна, но била запрена затоа што имала лажен пасош.

Оваа жена, како и петмината уапсени во Хондурас, сакала да стигнат до САД, патувајќи по копнен пат низ земјите на Централна Америка,

Претставник на властите во САД изрази загриженост од можноста луѓе со лажен идентитет да влезат во земјата, прикажувајќи се како сириски бегалци.

Извор: Утрински Весник

Партнери на Правдико