Правдико

   

Измени на условите за поднесување на апликација пред Европскиот суд за човекови права

© Copyright 2016 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

echrНа 1 Јануари 2016 година стапуваат во сила измени во Деловникот на Европскиот суд за човекови права, кои се однесуваат на условите потребни за да се поднесе апликација пред ЕСЧП.

Конкретно, донесена е измена на правилото 47 од Деловникот на Европскиот суд, кое правило се однесува на содржината на индивидуална апликација пред судот. Измените првенствено се однесуваат на содржината на апликациите кои се поднесуваат од страна на правни лица и апликациите поднесени од страна на апликанти кои се застапувани од адвокат од самиот почеток на постапката.

Иако измените се незначителни, тие ќе резултираат со измена на формуларот за апликација до ЕСЧП. Сметано од 1 Јануари 2016 година, ќе биде неопходно да се користи новиот формулар за поднесување на апликација пред Европскиот суд за човекови права. Неупотребувањето на новиот формулар и неприменувањето на формалните услови утврдени согласно правилото 47 од Деловникот на Европскиот суд за човекови права, ќе резултираат со одбивање на апликацијата од страна на судот.

Новиот формулар за аплицирање и повеќе информации кои ќе го олеснат поднесувањето на апликација пред Европскиот суд за човекови права, ќе бидат објавени на 1 Јануари 2016 година на веб страната на судот http://www.echr.coe.int/.

Прилог: Соопштение од Европски суд за човекови права.

Партнери на Правдико