Ќе се изготвува нов Закон за матичната евиденција

Министерството за правда покрена иницијатива за изготвување на Предлог на Закон за матичната евиденција.

Согласно образложението од Министерството, потребата за донесување на нов закон е фактот што одредбите во Законот се застарени и невоедначени во однос на поимите и решенијата со кои се уредува регистрирање на раѓање на дете и смрт. Воедно, одредбите на овој закон не кореспондираат со одредбите од другите закони што влијае на остварување на правата на граѓаните.Заради ефиксано остварување на правата на граѓаните, потребно е уредување на дигитализација на процесите во Управата за водење на матичните книги и издавање на дигитални документи.

Со Предлог на Законот ќе се вградат одредби за: -видовите и содржината на матичните книги, -дополнителен упис во матична книга на родени на лица по истек на рок и дополнителен упис на лица кои се родени во домашни услови, -меѓународна правна соработка во областа на матичната евиденција, -постапка за правно признавање на родот и -дигитализација и интероперабилност.

Временската рамка за изготвување на предлог законот:16.01.2023 – 30.06.2023