АБВ на правото на Европската унија

Правниот поредок создаден од Европската Унија (ЕУ) веќе стана востановена компонента на нашиот политички живот и на општеството. Секоја година, врз основа на спогодбите на Унијата, се донесуваат илјадници одлуки со клучно влијание врз земјите-членки на ЕУ и врз животот на нивните граѓани. Одамна луѓето не се само граѓани на својата земја, град или регион, тие се и граѓани на Унијата. Дури и да е само оваа причина, од клучна важност е тие да се запознаени со правниот поредок што се одразува врз нивното секојдневие.

Сепак, комплексноста на структурата на Унијата и нејзиниот правен поредок не може лесно да се сфатат. Ова делумно се должи на формулациите во самите спогодби, коишто честопати донекаде се нејасни, со импликации што не е лесно да се имаат предвид. Дополнителен фактор е незапознаеноста на многумина со многубројните концепти преку кои спогодбите се стремат да ја контролираат ситуацијата. Страниците што следуваат се обид да се разјасни структурата на Унијата и на носечките столбови на европскиот правен поредок, па со тоа и да се помогне во олеснувањето на недостигот од познавање кај граѓаните на ЕУ.

Целото издание можете да го превземете ТУКА