Ад хок телото на пола мандат: Како се ближат изборите, така се влошува известувањето | Правдико

Правдико

   

Ад хок телото на пола мандат: Како се ближат изборите, така се влошува известувањето

© Copyright 2022 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Се влошува известувањето на медиумите по петтиот од вкупно десетте периоди кои Агенцијата за аудио и аудиовизуелни медиумски услуги ги има за надзор до изборите закажани за 11 декември. На половина од мандатот, дел од членовите на ад хок телото констатираат дека медиумите наместо да го подобрат известувањето – го влошиле.

14215245_10208635461957187_1176988494_o-860x680

Една добра работа е што членовите ги добија заостанатите хонорари кои заглавија на релација Влада – Министерство за финансии – ААВМУ.

Според членот на ад хок телото, Љубомир Костовски, интересно е дека најблиску до балансираното известување се медиумите на албански јазик. Тој, исто така, информираше дека Прекршочниот суд се прогласил за ненадлежен за една пријава и им ја отфрлил претставката.

– Според нивното образложение, тие се прогласија за ненадлежни затоа што немаат мандат пред да почне изборната кампања. Сепак, според Изборниот законик, тие мора да постапат по претставките од ад хок телото. Драстично се промени известување последните неколку дена. Дел од телевизиите воопшто не ги почитуваат препораките од Изборниот законик и практикуваат пропаганда во речиси 100 проценти од телевизиските информативни блокови – вели Костовски.

Привремената комисија за следење на медиумското претставување, со три гласа „за“ и со два „против“, во петокот предложи поведување прекршочни постапки против телевизиите „Сител“, „Алфа“ и „Нова“.

Според одлуката на комисијата, постапките за телевизиите „Сител“ и „Нова“ се поведуваат поради членот 75, став 1, кој регулира балансираност во известувањето, додека за телевизија „Алфа“ постапката е поведена според член 75, став Б од законот, кој забранува прилози со кои може да се остави впечаток дека активности на државните органи се и партиски активности.

Двајцата членови кои гласаа против овие предлози (Цветин Чилиманов и Слаѓана Димишкова) најавија поднесување на издвоени мислења и изнесоа забелешки за недоследно применување на законот и на методологијата на Агенцијата за медиуми.

Привремената комисија ги разгледува извештаите на АВМУ за известувањето на 18 телевизии и радио-дифузери на секои десет дена.

АВМУ претставките до прекршочниот оддел на Основниот суд Скопје 1, според Изборниот законик, мора да ги поднесе во рок од 48 часа.

Според Законот за прекршоци, нема рок до кога судовите треба да одлучат, туку е наведено само „по брза постапка“.

Извор: Мета

Препорачуваме

Партнери на Правдико