Адвокатската комора ќе изготви автентично толкување на Тарифата за награда и надоместок на трошоците за работа на адвокатите

Адвокатската комора на Република Македонија закажа посебна седница на Управниот одбор на која ќе се изготви автентично толкување на Тарифата за награда и надоместок на трошоците за работа на адвокатите и притоа ќе се разгледуваат повеќе спорни прашања:

• Правото на надоместок на сите трошоци утврдени со АТ;
• Досудување на патни трошоци за адвокат чие седиште е надвор од општината каде што се наоѓа седиштето на надлежниот суд;
• Непризнавање на награда за состав на трошковник;
• Досудување на трошоци за застапување за одржано посебно рочиште за донесување и објавување на пресуда.

Се повикуваат сите колеги кои имале други проблеми или негативни искуства во практичната примена на Тарифата за награда и надоместок на трошоците за работа на адвокатите, да се обратат до Адвокатска комора на Република Македонија на е-маил. lawyermk@mba.org.mk, најдоцна до 04.05.2015 година, како истите би биле разгледани на седницата и опфатени со Автентичното толкување на АТ.

Извор: Адвокатска комора на РМ