Правдико

   

Активистката Моника Ристеска објави дека татко ѝ сакал да ја убие, полицијата го уапси

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Активистката Моника Ристеска, која минатата година беше уапсена бидејќи јавно пушеше марихуана, објави на социјалните мрежи дека вчера била натепана од нејзиниот татко во нивниот дом во населбата Даме Груев во Скопје и објави вознемирувачки фотографии од неа со раскрвавено лице. Ристеска го пријавила татко ѝ во полиција и тој бил уапсен. Ристеска во полиција пријавила дека била нападната и нејзината мајка.

„Пред два часа татко ми Стојан Ристески од село Свето Митрани неписмен бездушник и хроничен алкохоличар се обиде да ме убие кога тргнав во кујна да земам храна. Ме нападна со тупаници и дрвено столче во глава, ми го скрши носот и ми ја измести вилицата“, напиша Ристеска.

Од МВР соопштија дека настанот кај нив бил пријавен вчера околу 22 и 30 часот и дека таткото на Моника е уапсен.

„На 26.05 во 22.30 часот на улица Антон Чехов во Скопје, полициски службеници од СВР Скопје го лишиле од слобода С.Р.(64) од Скопје поради постоење основано сомнение дека сторил кривично дело. Претходно, неговата ќерка М.Р.(31) од Скопје пријавила дека околу 20.30 часот во семејниот дом на улица Антон Чехов,  по претходна расправија, таа и нејзината мајка К.Р.(62) од Скопје биле физички нападнати од нејзиниот татко С.Р.(64) од Скопје. Се преземаат мерки за расчистување на случајот“, се наведува во соопштението на МВР.

Техничкиот министер за внатрешни работи, Наќе Чулев, на „Фејсбук“ соопшти дека таткото на Ристеска ќе се гони за делото телесна повреда.

„Во однос на фотографиите објавени на социјалните мрежи на кои се гледа лице со повреди на главата, ја информирам јавноста дека вчера во вечерните часови полициски службеници од СВР Скопје го лишиле од слобода С.Р.(64) од Скопје поради постоење основано сомнение дека сторил кривично дело по член 130 од кривичен законик и се преземаат мерки за целосно расчистување и документирање на настанот“, соопшти министерот Чулев.

Извор: Макфакс

Партнери на Правдико