Акции на турската полиција против ќелии на ИД во Истанбул и Измир

Турската полиција уапси деветмина осомничени џихадисти, во рамки на одвоени акции против ќелии на групата Исламска држава (ИД) во градовите Истанбул и Измир, јави агенцијата Анадолија.

Акциите следуваат по завчерашниот терористички напад на истанбулскиот аеродрим „Ататаурк“, во кој загинаа 42 лица, а над 230 беа ранети.

Според извори во турската полиција, припадници на полициските антитерористички единици и на специјалните сили извршиле претреси на неколку локации во истанбулските населби Пендик, Башакшехир и Султанбејли.

Во операцијата пак во три населби во Измир се приведени девет лица, кои се осомничени за врски ИД во Сирија. Тие се обвинети за обезбедување финансиски средства и логистика за ИД и за регрутирање џихадистички борци.

Извор: 24Вести