Албанија: запленети 2,7 тони марихуана

Во неколку одделни акции, албанската полиција запленила 2,7 тони марихуана. Во акцијата, наречена „Богова“, во Скрапар и Берат, полицијата запленила околу 1,9 тони марихуана, три парчиња оружје и муниција.

Во други две акции, полицијата во градот Лежа запленила 700 килограми марихуана, а во јужниот дел на Албанија запленети се 90 килограми од истата дрога.

Во акциите има уапсени, а се трага и за уште неколкумина кои се во бегство.

Извор: Макфакс