Апелација ја отфрли жалбата на СЈО за притвор на Горан Грујевски

Апелациониот суд ја отфрли жалбата на Специјалното обвинителство кое бараше да му се одреди притвор на началникот на УБК, Горан Грујевски. Двостепеното одлучување веќе било искористено, а тоа е жалба пред кривичниот совет вели за 24 Вести судијата портпарол Сафет Кадрии.

Според тоа решение, началникот Грујевски треба да го напушти притворското одделение во Шутка и да замине во домашен притвор.

Од Специјалното обвинителство за 24 Вести велат дека се уште го немаат добиено решението од Апелациониот суд, па откако официјално ќе ги видат документите ќе го кажат својот став.

Горан Грујевски се наоѓа во притвор од 30 март. Тој е првоосомничен во акцијата на СЈО, под оперативно име „Тврдина“.

Извор: 24Вести