Апелација ја потврди пресудата за лажната докторка од Кавадарци

Апелацискиот суд од Скопје ја потврди пресудата на Основен суд Кавадарци со кој лажната докторка од овој град беше осудена на 11 месеци затвор и парична казна од 250 евра.

Информацијата ја потврди в.д. претседателката на кавадаречкиот суд Елизабета Петковска. Првостепениот суд ја прогласи Љ.К. за виновна за трите кривични дела за кои беше обвинета. Измама, фалсификување на исправа и надрилекарство,потсети Петковска.

Пред една година државен санитарен и здравствен инспектор по вонреден инспекциски надзор донесе решение за отстранување на лажната млада докторка од Здравствениот дом во Кавадарци каде што работеше извесно време. Министерството за здравство поднесе кривична пријава до Јавното обвинителство.

Извор: Утрински