Апелација на јавна седница ќе ја разгледува жалбата за куќен притвор на градоначалникот Талески

Во Апелацискиот суд попладне ќе се одржи јавна седница на која ќе се расправа по жалбата што ја поднесе одбраната на градоначалникот на Битола, Владимир Талески, за куќниот притвор што му го определи Кривичниот совет на Основен суд Скопје 1.

Седницата се одржува на барање на одбраната на Талески. Градоначалникот од пред една седмица е во куќен притвор за случајот „Траснпортер“ по барање на Специјалното јавно обвинителство.

Во овој случај има вкупно 22 осомничени, а се товарат за малверзации со превозот на учениците. СЈО бараше притвор за Талески, но судија му одреди мерки на претпазливост односно одземање на пасошот, но Кривичниот совет на судот ја преиначи одлуката и му определи куќен притвор во траење од 30 дена.

Извор:24 Вести