Апелација потврди уште 4 одлуки на Кривичен за притворот за осомничените од 27 април | Правдико

Правдико

   

Апелација потврди уште 4 одлуки на Кривичен за притворот за осомничените од 27 април

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Апелациониот суд ги потврдил одлуките на Кривичниот суд за сите осомничени за 27 април чии жалби беа вчера разгледани на јавни седници. Според тоа, во притвор и понатаму останува пратеникот Сашо Василевски, а Апелација ги одбила жалбите и на началникот во МВР Душко Лазаров, шефот на обезбедување на поранешниот спикер Трајко Вељаноски, осомничениот Горан Ѓошевски и на Митко Пешов, началник на посебните и специјалните единици.

Денеска Апелација треба да ги разгледува жалбите и на пратениците Љупчо Димовски и Крсто Мукоски. Димовски се жали на одлуката за продолжување на куќниот притвор, додека Мукоски на одлуката за продолжување на ефективниот притвор.

За неколку дена пак истекуваат и триесетте дена за колку што им беше продолжен притворот на осомничените за крвавиот четврток и Обвинителството за организиран криминал ќе треба да достави нов предлог за мерки за осомничените.

Извор: ТВ 24

Партнери на Правдико