Апсење во Сараево под сомнение за сторени воени злосторства

Полициски службеници на Државната агенција за истраги и заштита (СИПА), утрово во областа на Сараево го уапсија лицето С. М (1952), за воени злосторства постапувајќи по наредба на обвинителството на БиХ.

Како што соопшти службата за односи со медиумите лицето С. М. е уапсено под сомнение за сторено кривично дело “воени злосторства против воените затвореници”, “воени злосторства против ранети и болни” и за кривичното дело “воени злосторства против цивилите” сторени, на подрачјето на општина Завидовиќ, во 1995 година.

Уапсен е поранешен висок функционер на Армијата на Босна и Херцеговина, кој е обвинет за командна одговорност за злосторствата извршени од страна на неговите подредени.

Лицето лишено од слобода ќе се доведе во службените простории на СИПА, по што ќе биде предадено на обвинителството за понатамошна истрага, се вели во соопштението.