Австрија забрани носење бурка на јавни места

Владеачката коалиција во Австрија по повеќедневна дебата се усогласи за пакетот реформи кои предвидуваат забрана да се носи бурка во училишта и во судници. Носењето бурка ќе биде забрането и на други јавни места.

Коалицијата на социјалдемократите и Народната партија се договориле на припадниците на полицијата, судиите и на јавните обвинители да им се забрани носење марами за да бидат „идеолошки и верски неутрални“ додека ѝ служат на државата.

Францускиот парламент пред повеќе од шест години усвои закон со кој Франција стана првата земја во Европската Унија што забрани да се носи никаб и бурка.

Шефот на австриската дипломатија, Себастијан Курц, порача дека „забраната на антиопштествените симболи“, како што е бурката, ќе ѝ помогне на Австрија „подобро да ги интегрира мигрантите на кои им е дозволено да останат во земјата“.

Извор: Мета