Белата куќа го привршува планот за затворање на затворот Гвантанамо | Правдико

Правдико

   

Белата куќа го привршува планот за затворање на затворот Гвантанамо

© Copyright 2022 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Белата куќа е во завршната фаза од изработката на планот за затворање на спорниот затвор Гвантанамо во истоимениот залив на Куба и ќе им го достави на пратениците на разгледување, изјави портпаролот Џош Ернест.

23072015101907_1222_guant_full_600

Американскиот претседател Барак Обама затворањето на контроверзониот затвора го постави како свој приоритет кога стапна на должноста во 2009 година, но во реализацијата на планот се појавија многубројни пречки, вклучувајќи ја и одлуката на Конгресот за блокада на префрлањето затвореници во Гватанамо во затворите во САД, пренесуваат француските медиуми.

-Администрација е во финална фаза на изработката на планот за безбедно и одговорно затворање на затворот во заливот Гватанамо и ќе му го поднесе на Конгресот- рече вчера  Ернест, додавајќи дека затворот на Куба не е пример за ефикасна употреба на владините ресурси.

Како што Ернест истакна, американски безбедносни претставници на планот работат веќе извесно време, пред се заради тоа што тоа е приоритет на претседателот.

– Тоа е комплицирана работа, но ние постигнавме значаен напредок- наведе портпаролот на Белата куќа.
Против големата поморска база на САД во Гвантанамо на југоисток од Куба е и кубанската Влада, со која Вашингтон неодамна ги обнови дипломатските односи.

Куба наведува дека САД незаконски ја зазеле нејзината територија, па затоа кубанскиот министер за надворешни работи Бруно Родригез во понеделникот во текот на посетата на Вашингтон ги повика САД оваа територија да и ја вратат на Куба и да го укинат ембаргото кон оваа комунистичка земја.

Воениот затвор беше отворен во јануари 2002 година набрзо по терористичките напади изведени на 11 септември 2001 година во САД.Во Гвантанамо моментално се наоѓаат 116 затвореници, а најмногу беа во 2003 година – 680.

Извор: Нова Македонија

Препорачуваме

Партнери на Правдико