Белгија и Холандија покренаа истраги за наводна шпионажа на Германија за САД

Белгија и Холандија започнаа истрага во врска со наводите за шпионажа на Германија, којa е обвинетa дека им помогала на Националната агенција за безбедност на САД (НСА).

Посебната истрага следеше по извештаите на медиумите дека германската разузнавачка агенција БНД  им помогала на НСА да се соберат податоци за повеќе цели во Европа, вклучувајќи ја и француската влада, Европската комисија и компанијата “Ербас”.

“Ако се покаже дека се точни извештаите за обемното шпионирање на германската разузнавачка служба, Германија ќе треба да даде објаснување”, се вели во соопштението на министерот за телекомуникации на Белгија Александар де Кро .

Портпаролот на холандската влада Вард Беземер вели дека е покрената истрага.