Бело Поле: Избегал затвореник осуден за убиство

Затвореникот осуден за убиство кој избегал од затвор во Бело Поле, Црна Гора, имал помагачи во затворот и надвор од него – пренесуваат локалните медиуми.

Иван Вујовиќ од Подгорица е осуден на 14 години затвор.

Успеал да избега од затворот вчера. Разоружал еден од чуварите, кој го прател до телефонската говорница и се заканувал со пиштол на чуварите што ги сретнал до излезот од затворот.

Потрагата по Вујовиќ е во тек.

Ова е второ бегство од затворот во Бело Поле во последните неколку месеци. Во октомври, на стражарите им избега затвореник осуден на 15 години затвор.