Берлускони бара Судот во Стразбур да му ја укине забраната за политичко дејствување | Правдико

Правдико

   

Берлускони бара Судот во Стразбур да му ја укине забраната за политичко дејствување

© Copyright 2022 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Правниот тим на Силвио Берлускони побара од Европскиот суд за човекови права да му дозволи на поранешниот италијански премиер да може повторно да извршува јавни функции.

Десничарската партија Форца Италија на Берлускони неодамна имаше успешен настап на регионалните избори во Италија и се подготвува да ја предизвика левоицентристичката Демократската партија на Матео Ренци на претстојните парламентарни избори.

Берлускони доби забрана за политичка активност поради пресудата за даночна измама во 2013 година. Забраната треба да му истече во 2019 година, а изборите се очекува да се одржат на почетокот на 2018 година.

Седумнаесет судии на судот во Стразбур го разгледуваат барањето на Берлускони да му се укине забраната. Сепак, можно е нивната одлука да биде донесена предоцна, па тој да не може да се кандидира на претстојните избори.

Извор:Нова Македонија

Препорачуваме

Партнери на Правдико