Битолчанец измамил сограѓанин за 49.000 денари

Секторот за внатрешни работи Битола поднесе кривична пријава против 37-годишниот битолчанец Е.Б. за измама, информира Министерството за внатрешни работи.

– Во периодот од јануари до февруари 2017 година, пријавениот со цел за себе да прибави противправна имотна корист довел во заблуда лице од Битола, дека ќе му помогне да го објави станот за продавање на интернет и за истото во повеќе наврати му зел околу 12.000 денари. Пријавениот исто така го довел во заблуда дека му се потребни пари за лекување на неговата ќерка во Германија, за што исто така во повеќе наврати му зел околу 37.000 денари, со што му нанел вкупна материјална штета од 49.000 денари – велат од МВР.

Извор: Нова Македонија