Братоубиство во Алдинци, го тепал брат му со секира и цевка до смрт

Жителот на крушевското село Алдинци кој беше најден мртов пред семејната куќа, го убил неговиот брат.Тој е осомничен и за напад на четиринаесетгодишно дете кое се здобило со повреди, соопштуваат од Основното јавно обвинителство Прилеп.

Осомничениот се товари дека со умисла на свиреп начин го лишил од живот неговиот брат, напаѓајќи го најпрвин со секира со дрвена рачка во нивната семејна куќа, а потоа продолжил да го удира во пределот на главата со метална водоводна поцинкувана цевка додека не го усмртил.

По извршеното убиство, осомничениот се упатил кон куќа во непосредна близина  каде што со истата метална водоводна цевка се обидел да лиши од живот едно 14-годишно дете, но притоа бил спречен од соседите кои го фатиле. Детето со телесни повреди е пренесено во болницата во Прилеп каде му е укажана лекарска помош и се наоѓа надвор од животна опасност.

Судијата на претходна постапка го прифатил предлогот од надлежниот јавен обвинител и на осомничениот му определи притвор во траење од 30 дена.

Извор: Макфакс