Британија се поблиску до референдум за напуштање на ЕУ

Предлогот за распишување референдум за членство на Велика Британија во Европската унија ја мина првата пречка во Горниот дом на парламентот, но пратениците предупредуваат дека може да биде отфрлен заради одлагање

Предлогот поддржан од Конзервативната партија на премиерот Дејвид Камерон, мина синоќа „второ читање“ во Домот на лордовите. Коалициските партнери на конзервативците, Либерално-демократската партија и опозициските лабуристи предупредуваат дека предлогот може да биде одлаган и на крај да биде отфрлен. Предлогот мора да биде усвоен во Долниот дом на парламентот до 28 февруари, а заради расправа за амандманите тој датум можно е да не биде испочитуван. Камерон вети референдум за напуштање на ЕУ до крајот на 2017 година ако неговата партија победи на изборите во 2015 година.

Извор: Нова Македонија