Британците го обвинуваат Путин за убиство на руски шпион

Убиството на поранешниот руски шпион Александар Литвиненко “веројатно” беше овластено од страна на рускиот претседател Владимир Путин, се наведува во одлуката на британскиот суд, пренесува Би Би Си. Истрагата за неговата смрт започна во јануари 2015 година и претседател на истражниот суд Сер Роберт Овен изјави дека веројатно претседателот на Русија потпишал наредба за неговото убиство.

Литвиненко почина на возраст од 43 во Лондон во 2006 година, а причина за неговата смрте е труење со радиоактивен полониум, за кој се верува била ставен во неговата чаша чај.

Истрагата за околностите на неговата смрт, започна во јануари 2015 година.

Претседателот на истражниот суд Сер Роберт Овен, посочи дека веројатно Путин го потпиша неговото убиство поради долгогодишнa одмазда.

Руските медиуми, исто така, објавија дека британската истрага откри дека зад убиството се највисоките руски претставници без да се спомене името на претседателот Путин.