Чавков и пратениците следната недела на суд за крвавиот четврток

Следната недела, на 22 август, обвинетите за настаните во Собранието на крвавиот четврток повторно седнуваат на обвинителна клупа. Меѓу нив има и пратеници и граѓански активисти.

За овој предмет на Обвинителството за гонење организиран криминал и корупција обвинети се 30 лица, меѓу кои ексдиректорот на БЈБ, Митко Чавков, и пет пратеници на ВМРО-ДПМНЕ, кои според обвинението се товарат за терористичко загрозување на уставниот поредок и безбедноста.

Судот претходно соопшти дека насрочени се 37 термини за главна расправа за што веќе се изготвуваат наредби за спровод за обвинетите што се наоѓаат во куќен притвор, како и покани за другите странки во предметот.

Извор: Макфакс