Четири смртни случаи од коронавирус и 23 новозаразени лица | Правдико

Правдико

   

Четири смртни случаи од коронавирус и 23 новозаразени лица

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

На Клиниката за инфективни болести во изминатите 24 часа од компликации поради Ковид-19 починал пациент од Скопје на возраст од 62 години, а во болницата „8 Септември“ починала 59-годишна пациентка од Гостивар, информираат од Министерството за здравство.

Евидентирани се и две починати жени од околината на Куманово, на возраст од 72 и 79 години, пациентка што се лекувала во домашни услови и пациентка што се лекувала на инфективното одделение во кумановската болница.

Во изминатите 24 часа направени се 386 тестирања, а потврдени се 23 нови случаи на коронавирус, и тоа во: Скопје – 5, Куманово – 5, Прилеп – 3, Тетово – 6, Велес – 2 и Неготино – 2 (станува збор за жители на Демир Капија).

Во изминатите 24 часа Институтот за јавно здравје регистрирал 111 оздравени пациенти, од кои 13 во Скопје, Куманово – 74, Прилеп – 18 и по еден во Штип, Битола, Охрид, Крива Паланка, Пробиштип и во Демир Хисар.

Со ова вкупната бројка на инфекции од коронавирус во нашата земја изнесува 1.465, бројката на оздравени пациенти е 738, на починати е 77, а во моментот бројот на активни случаи во земјата изнесува 650.

Извор: Макфакс

Препорачуваме

Партнери на Правдико