Чичаковски и сопругата на ексспецијалниот обвинител Ајро избрани за управни судии

Разрешениот претседател на Државната изборна комисија, Александар Чичаковски, е избран за судија во Управниот суд од 31 кандидат на денешната седница на Судскиот совет. Чичаковски беше разрешен поради бонусите кои си ги подели во ДИК.

За управна судијка избрана е и сопругата на ексспецијалниот јавен обвинител, Артан Ајро, Елеонора.

Елеонора Ајро при последното рангирање на оценките немала доволно бодови за да биде избрана за судија во кривичниот или граѓанскиот суд и поради тоа ја ставиле на листата за обвинител.

Таа е третата судијка избрана во Управниот суд од Академијата, иако денешниот избор е по стариот закон, бидејќи по новиот закон, сега и за во овој суд кандидатите ќе мора да доаѓаат од Академијата.

Извор: Макфакс