Џулијан Асанж планира да ја напушти Британија, ќе бара азил во Русија

Џулијан Асанж планира да ја напушти Велика Британија и да побара помош од Русија, како власти кои му се блиски, според документите што протекоа од „Викиликс“.

Јас, Џулијан Асанж, му давам целосно овластување на мојот пријател Израел Самир да го земе мојот пасош за да добијам виза – му напишал Асанж на рускиот конзулат во Лондон во писмо од 30 ноември 2010 година. Писмото е дел од документите објавени од агенцијата АП, каде што се и нивните електронски пораки, финансиските извештаи, тајно направени снимки и други документи.

Во извештајот од Твитер, „Викиликс” тврди дека Асанж не напишал писмо со барање за виза од Русија и тврди дека поранешниот соработник на Асанж бил одговорен за документите.

A new cache of internal WikiLeaks files obtained by @AP shows that WikiLeaks staffers discussed having Julian Assange skip bail and escape Britain as authorities closed in. By @razhael. https://t.co/jJvstzU00k

— The Associated Press (@AP) September 17, 2018

Истиот ден кога го испрати писмото до Русите, Интерпол издаде меѓународен налог за апсење на Асанж, кого го бараа во Шведска поради обвиненија за силување и сексуално вознемирување.

Во 2012 година Асанж ја прескокна кауцијата и побара азил во Амбасадата на Еквадор во Лондон, каде што престојува оттогаш.

Во јуни оваа година судот во Лондон наложи дека британскиот налог за апсење на Асанж сé уште е валиден. Иако обвинувањата на Шведска сега се отфрлени, Асанж сé уште се соочува со закана од притвор за кршење на условите за исплата на кауција во Велика Британија.

Извор: Макфакс