Директор на основно училиште набавувал производи од фирми без тендерска постапка

Полицијата поднесе кривична пријава против 57-годишниот директор на основното училиште „Кочо Рацин“ во Кратово за сторено кривично дело злоупотреба на службената положба и овластувањето.

„Во периодот од 2013 до 2017 година, пријавениот како директор на основното училиште ‘Кочо Рацин’ од Кратово, спротивно на Законот за јавните набавки, односно без јавен оглас и спроведена тендерска постапка, набавувал производи од повеќе фирми од Пробиштип, Кратово, Куманово и од Скопје, со што тие стекнале противправна имотна корист од 1.034.885 денари на штета на буџетот на Република Северна Македонија“, велат од МВР.

Извор: Макфакс