Драстичен пораст на бројот на деца упатени во центрите за социјална работа

Во 2014 година бројот на деца во ризик кои се упатени во центрите за социјална работа од страна на институциите и поединци зголемен е за 52%, покажува извештајот на Државниот совет за превенција на детско престапништво.

Според територијалната припадност најголем број на деца во ризик се од Куманово, Велес и Скопје.

„Една од причините за зголемен број на деца во ризик може да биде подобра имплементација на Законот за правда за децата, поголемо препознавање и рано идентификување на децата во ризик од страна на училиштата, полицијата, јавното обвинителство и др. институции кои работат со деца, на што укажува и зголемениот број на известувања упатени до центрите. За евентуални други причини кои довеле до зголемен број на деца во ризик потребни се дополнителни анализи и истражувања“, се вели во извештајот.

Извор: Емагазин.мк