Правдико

   

Две лица барани од полицијата уапсени при обид да ја напуштат земјата

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Во текот на вчерашниот ден на граничниот премин „Табановце“ и на Скопскиот аеродром биле уапсени две лица барани од страна на полицијата. Едното лице се наоѓало на „стоп-листа“ за издржување казна затвор, а другото се наоѓало на листата со мерка „Апси“.

Како што информираат од МВР, во првиот случај, рано наутро, на граничниот премин „Табановце“, при пасошка контрола било утврдено дека 23-годишниот З.Ј. oд село Слупчане, општина Липково, се наоѓа на „стоп-листа“ за издржување казна затвор. Тој бил приведен и набрзо предаден на полицијата од Куманово за понатамошна постапка.

Во вториот случај, на Скопскиот аеродром околу пладне, при пасошка контрола, било констатирано дека 39-годишниот С.Џ. од село Арачиново се наоѓа на листата со мерка „Апси“. Лицето било приведено и предадено на полициски службеници за понатамошна постапка.

Извор: Макфакс

Партнери на Правдико