Дводневна обука нa тeмa: „Еврoпскaта Конвенција за заштита на човекови права – членовите 5,6 и 7“

Академијата за судии и јавни обвинители ,,Павел Шатев” и Регионалниот проект за соработка во правосудството, Програма ОПДАТ, Министерство за правда на САД спонзориран од Бирото за меѓународна борба против наркотици и спроведување на законите (INL) при Американската амбасада во Скопје, организираат дводневнa обукa за Европската Конвенција за заштита на  човекови права – членовите 5, 6 и 7, коjа ќе се одржи на  14 и 15 март 2016 година во хотел „Арка“, Скопје, со почеток во 09:00 часот.

Обуката е наменета за јавни обвинители и судии од Скопје, адвокати кои ја поминаа обуката за Европската Конвенција за заштита на човековите права за членовите 2, 3 и 4, одржана во период од 10-11 март 2016 година.

На обуката излагања поврзани со темата ќе имаат: г-а Љиљана Ивановска Шопова, претседател на Апелационен суд Скопје; г-а Гордана Ѓешкоска, јавен обвинител на Основно јавно обвинителство Скопје, г-а Ружица Николовска, адвокат и г. Бет Сринан, Регионален правен советник, Програма ОПДАТ, Министерство за правда на САД, Амбасада на САД во Загреб.

Темите кои ќе бидат опфатени во рамките на советувањето се следните:

• Вовед во член 5
• Законско лишување од слобода (основи)
• Итност на постапката и права на лицето лишено од слобода
• Образложение на одлуката за притвор
• Изведување на суд без одложување
• Право на судење во разумен рок
• Пуштање на слобода условено со давање гаранција
• Хипотетички случај – работа во групи
• Вовед во член 6
• Еднаквост на оружјата
• Разумен рок
• Право на образложена одлука и веродостоен доказ
• Презумпција на невиност
• Соодветно време за подотовка на одбраната и право на одбрана
• Информирање на разбирлив јазик
• Хипотетички случај – работа во групи
• Процедури на Европскиот суд за човекови права
• Член 7: Нема казна без закон

Програмата согласно која ќе се одвива советувањето можете да ја преземете Tука.