Еквадор ќе дозволи сослушување на Асанж од страна на шведските обвинители

Еквадор ќе им овозможи на шведските обвинители да гo сослушаат основачот на Викиликс, Џулијан Асанж во својата амбасада во Лондон, каде што живее од јуни 2012 година, се вели во вчерашното соопштение од Министерството за надворешни работи на Еквадор.

Шведските власти сакаат да го сослушаат Асанж, во врска со обвинувањата дека извршил силување во 2010. Тој ги негира обвинувањата.

Асанж избегна можна екстрадиција во Шведска откако доби заштита во амбасадата на Еквадор во Лондон.

“Во наредните недели, ќе биде одреден датумот за сослушување кое ќе се одржи во просториите на Амбасадата на Еквадор во Велика Британија”, се вели во изјавата на Министерството за надворешни работи на Еквадор.

Кон крајот на мај, шведскиот суд ја потврди наредбата за апсење на Асанж, велејќи дека престојот во амбасадата на Еквадор во Лондон не се засметува во одредениот притвор.

Минатата година, Врховниот суд на Шведска ја отфрли жалбата на Асанж за укинување на притворот.