Ердоган: Промената на Уставот не е моја лична амбиција

Турскиот претседател Реџеп Таип Ердоган изјави денес во Анкара дека е погрешно да се гледа на неговата желба за нов устав и пошироки овластувања како на лична амбиција.

Ердоган рече дека шефот на државата, кој го избира народот, треба да има повеќе власт а не да има само симболична улога.

Парламентарниот систем во Турција е застарен, рече Ердоган, додавајќи дека тој смета дека актуелната ситуација е неодржлива, во која народот избира и премиер и претседател.

Тој исто така рече дека очекува политичките партии и граѓанските здруженија да учествуваат во креирањето на новиот устав и поделбата на власта да биде една од главните точки на дискусија.

Народот, а не парламентот конечно треба да одлучи за нов текст, изјави турскиот претседател.