ЕУ да одговори на офанзивата во Украина

Брисел – Европската унија треба да испрати јасна порака ако про-руските сепаратисти во источна Украина започнат целосна воена офанзива, изјави шефот на германската дипломатија.

“Во случај на големи воени офанзиви, на пример со широк напад на Мариупол, потребна би била јасна реакција”, рече Франк-Валтер Штајнмаер во изјавата за новинарите за новинската агенција Ројтерс.

Германија и нејзините партнери во ЕУ ја отфрлија можноста за воен одговор на конфликтот, но претходно предложија проширување на санкциите против Русија.

Европските санкции против Русија, кои истекуваат во март, ќе бидат продолжени до септември, објави претходно вчера високиот претставник на ЕУ за надворешна и безбедносна политика Федерико Могерини, по состанокот на министрите за надворешни работи на ЕУ во Брисел.

Извор: B92