Правдико

   

ЕУ може да му нареди на Фејсбук да отстрани говор на омраза дури и надвор од Европа

© Copyright 2018 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Фејсбук мора да ги исполни барањата на земјите од ЕУ да отстранат содржини што се сметаат за нелегални дури и ако материјалот не спаѓа во нивна надлежност, пресуди Европскиот суд на правдата. Оваа одлука може да ја поткопа слободата на говорот на Интернет, пренесува РТ.

Европскиот суд на правдата, највисокиот суд во ЕУ, вели дека поединечна земја може да му нареди на „Фејсбук“ да отстрани објави, фотографии и видеа, па дури и да го ограничи пристапот до овие материјали за луѓето низ светот. Според судот со седиште во Луксембург, националниот суд на која било земја од ЕУ има право да му наложи на гигантот на социјалните мрежи да отстрани објави што се сметаат за клевета во регионите надвор од неговата јурисдикција.

Пресудата го поддржува необврзувачкото мислење од советникот на ЕСП од јуни за кое Фејсбук тврди дека го поткопува долгогодишниот принцип, според кој една земја не треба да има право да го ограничува слободното изразување во други земји.

Првичното мислење дојде откако австриската Партија на Зелените го тужеше Фејсбук, барајќи од платформата да ја избрише клеветничката содржина објавена од корисник, како и копиите од истиот материјал. Жалбата беше доставена до ЕСП од Врховниот суд на Австрија. Политичарката Ева Главишниг-Пјешек тврдеше дека Фејсбук спречува содржините да се гледаат низ целиот свет.

Ова е втора голема одлука на ЕСП во последните неколку месеци во врска со слободата на изразување на Интернет. Во септември, судот рече дека Гугл треба да ги отстрани листинзите со резултати од пребарување на страниците кои содржат штетни или лажни информации за некоја личност. Како резултат на тоа, Гугл имплементираше функција што ги спречува европските корисници да можат да ги гледаат избришаните линкови.

Извор: Макфакс

Партнери на Правдико