ЕУ покрена законска процедура против Полска

Поради новиот закон за полскиот Врховен суд, Европската Унија покренала законска процедура против таа земја, поради што Полска би можела да остане без право на глас во ЕУ. Европската комисија навела во соопштение дека мерките во рамки на законот се судруваат со принципот за независност на судот.

ЕК е подготвена да продолжи со дијалогот за владеење на правото, и покрај тоа што покренала законска процедура, пренесува АП.

Новиот закон за полскиот Врховен суд, со кој речиси 40 отсто од судиите ќе бидат принудени привремено да се пензионираат, утре стапува на сила.

Извор: Макфакс