Европската комисија апелира што поскоро да се усвои изборниот закон | Правдико

Правдико

   

Европската комисија апелира што поскоро да се усвои изборниот закон

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Европската комисија не сака да коментира дали поактивно ќе се вклучи во решавањето на новиот ќор-сокак во кој навлегоа преговорите за изборниот закон, ниту, пак, дали е планирана посета на високи претставници или на еврокомесарот Јоханес Хан на Македонија.

maja-kocijancic-1

Портпаролката на еврокомесарот за проширување и за соседска политика, Јоханес Хан, Маја Коцијанчич, на новинарско прашање ја повтори вчерашната изјава, притоа истакнувајќи дека политичките лидери треба што поскоро да постигнат договор.

– Жалиме што партиите не успеале да ги финализираат изборните реформи, и покрај направениот прогрес на состанокот на работните групи. Ги повикуваме лидерите на четирите политички партии да постигнат договор што поскоро, пожелно би било уште денеска. Како што знаете, се приближува датумот на изборите. Овој изборен закон мора да биде усвоен што е можно поскоро и да почне неговата имплементација бидејќи изборите се во април. Тоа е процес кој треба да се спроведе, а изборите треба да бидат добро подготвени – рече Маја Коцијанчич.

Извор: Мета.мк

Препорачуваме

Партнери на Правдико