Правдико

   

Европската комисија: Го следиме случајот, секое нерегуларно трошење ќе биде откриено

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Европската комисија за „Макфакс“ вели дека го следи случајот со обвинувањата за програмата „Еразмус +“, но во оваа фаза детали нема да открие. Од Комисијата уверуваат дека ќе ги откријат евентуалните нерегуларности.

„Она што можеме да го кажеме во оваа фаза е дека Комисијата е запознаена со обвинувањта во врска со спроведувањето на програмата ‘Еразмус +’. Сите такви обвинувања се следат и онаму каде што е вклучено финансирање од ЕУ, нерегуларното трошење ќе биде идентификувано и поправено. Комисијата не може да даде повеќе детали додека трае следењето“, изјавија од Европската комисија.

Од таму нагласуваат дека Европската комисија ја делегира имплементацијата на програмата на националните агенции (НА) под индиректно управување.

„Националните агенции се законски одговорни за какви било погрешно потрошени фондови“, велат од Комисијата.

Европската комисија, заедно со националните власти и независните тела за ревизија, го надгледува целокупното функционирање на националните агенции.

Онаму каде што постои сомневање за измама, случаите се упатуваат на ОЛАФ, од каде што може да се дадат препораки за износи што треба да се вратат и да се предадат случаите на органите за борба против измама во земјите на програмата.

„Европската комисија има пристап на нулта толеранција кон измама и ќе ги поврати сите погрешно потрошени суми“, велат од Комисијата.

Извор: Макфакс

Партнери на Правдико