Правдико

   

Европски суд на правдата: Право на одмор и по смртта

© Copyright 2018 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Европскиот суд на правдата ги зајакна правата на вработените на платен одмор. И наследниците на починат работник имаат право да бараат надоместок за неговиот неискористен одмор од неговиот работодавач.

Одлуката на Европскиот суд на правдата во Луксембург е важечка без оглед на егзистирањето поинакви одредби во националното право, како на пример во Германија, каде законите всушност го исклучуваат ова право.

Судската одлука е донесена по тужбата на две вдовици од Германија, кои барале надоместок за платениот одмор на своите починати сопрузи, кои не го искористиле своето право пред смртта. Германскиот Сојузен управен суд во ова прашање се обрати за толкување до Европскиот суд на правдата, барајќи мислење дали наследниците го имаат ова право според европските прописи, иако не е предвидено со националните закони.

Судот во Луксембург во пресудата истакнува дека законската регулација на правото на платен одмор има два аспекта. Според едниот, на работникот треба да му се овозможи опоравување, што во случајот кога тој починува, веќе не е можно. Од друга страна, постои право на добивање платен надоместок за време на одморот, кој не може ретроактивно да му биде ускратен на работникот и подоцна на неговите наследници. Ова важи како за државните, исто така и за приватните работодавачи.

Извор: Deutsche Welle

Партнери на Правдико