Европскиот парламент со повик да им се овозможи на жените право на абортус

Пратениците на Европскиот парламент во својот годишен извештај за родова еднаквост упатија повик да им се овозможи на жените право на абортус, што не е легално во сите земји членки на ЕУ.

Абортусот е чувствително прашање во ЕУ и многумина веруваат дека жените имаат право да одлучуваат за своето тело, а не на неродено дете

Прекин на несаканата бременост во  ЕУ е легално, но некои од земјите-членки, како што се Ирска, Полска и Малта имаат закони за забрана на абортусот.

Во Малта абортусот е целосно забранет, додека во Ирска абортусот е дозволен само ако животот на мајката е во опасност.

Пратениците на Европскиот парламент со големо мнозинство го поддржаа повикот за жените да “имаат право на пристап до контрацепција и абортус”, заедно со други мерки за намалување на родовата нееднаквост, како што се намалувањето на разликата меѓу платите и пензиите.

Повикот е составен дел од необврзувачки годишен извештај во кој е наведен напредокот во почитувањето на родовата рамноправност меѓу жените и мажите.