Правдико

   

Европскиот суд ја одби жалбата за уставниот референдум во Турција

© Copyright 2018 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Европскиот суд за човекови права денеска ја отфрли жалбата на турската опозициска Републиканска народна партија (ЦХП) за резултатите од референдумот за промена на Уставот на Турција, со што се зголемуваат надлежностите на шефот на државата.

Судот оцени дека жалбата не е во согласност со одредбите од Конвенцијата за заштита на човековите права и основните слободи и ја отфрли како неоснована.

ЦХП во жалбата бараше поништување на резултатите од референдумот со образложение дека имало „некоректно пребројување на гласовите“.

Европскиот суд нагласи дека ваквите прашања, кои се однесуваат на резултати од референдуми или избори за законодавната власт, не се во негова надлежност.

На референдумот за уставните реформи, одржан на 16 април, 51,4 отсто од турските избирачи што го искористија своето гласачко право ги поддржаа амандманите на Уставот, со кои практично Турција се трансформира од парламентарна во претседателска држава.

Опозицијата ги оспори резултатите, поради одлуката на турската Централна изборна комисија да ги признае како валидни и гласачките ливчиања на кои ги немало со закон предвидените печати.

Врходвниот суд на Турција кон крајот на април ги одби приговорите на ЦХП, по што партијата поднесе жалба до Европскиот суд за човекови права.

Извор: Нова Македонија

Партнери на Правдико