Физички напад пред ресторан на „Боемска“, гостите спречиле поголема пресметка

Педесетгодишен маж од Скопје бил нападнат на улицата Боемска кога излегол од угостителски објект.

Тој забележал дека две лица, кои ги знаел од претходно, како се приближуваат кон него. Едниот од напаѓачите држел палка во раката. Лицата физички го нападнале, а од страна на гости во објектот била спречена натамошна физичка пресметка.

МВР соопшти дека е извршен увид и се преземаат мерки за расчистување на случајот. Мажот во полициската станица навел дека со напаѓачите претходно имале недоразбирања.

Извор: Макфакс