(ФОТО) Свечено доделување на лиценци за адвокати во септемвриска сесија 2022 година | Правдико

Правдико

   

(ФОТО) Свечено доделување на лиценци за адвокати во септемвриска сесија 2022 година

© Copyright 2022 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Дваесет и пет кандидати за адвокати се здобија со лиценци за вршење на адвокатската дејност во септемвриската сесија 2022 година.

Новите адвокати дадоа свечена заклетва дека должноста ќе ја вршат совесно и дека ќе се придружуваат на Уставот, законодавството, меѓународните договори и актите на Адвокатската комора.

Новите адвокати дадоа свечена заклетва дека должноста ќе ја вршат совесно и дека ќе се придружуваат на Уставот, законодавството, меѓународните договори и актите на Адвокатската комора.

„Се колнам дека должноста адвокат ќе ја вршам совесно, ќе се придржувам на Уставот, законите, меѓународните договори ратификувани во согласност со Уставот, Статутот на Комората, Кодексот на адвокатската етика и дека со сите свои постапки ќе внимавам на угледот на адвокатурата како јавна служба”, гласи свечената адвокатска заклетва.

Претседателот на Адвокатската комора на РСМ, г. Љубомир Михајловски, на новите адвокати им упати порака да ја штитат адвокатурата и нејзината независност, да бидат чесни, како и да го сочуваат својот личен интегритет во борбата за успех.

„Во адвокатската фела ќе сретнете разни колеги, за жал во текот на работењето има колеги кои ги забораваат овие работи, но моите зборови сфатете ги како совети и желби за успех, ваш и на Комората во целост. Почитувајте се и помагајте си еден на друг. Адвокатурата е борба во која еден губи сигурно. Во судница сте противници, но надвор сме колеги и пријатели. Бидете гордост на македонската адвокатура, како млади луѓе внесете нови погледи и напредок на адвокатурата.“, порача тој.

Претседателот Михајловски изрази надеж дека новите генерации адвокати ќе внесат нови погледи и напредок на адвокатурата.

„Ќе има денови на среќа и успех, радувајте се на нив, делете ја среќата со вашите најблиски кои денес се со вас“, истакна Михајловски и им посака успех во работата на нвите адвокати.

Целата галерија на следниот ЛИНК

Препорачуваме

Партнери на Правдико