Франција: За обвинетите од Албанија, Косово и Македонија за трговија со дрога побарани 153 години затвор | Правдико

Правдико

   

Франција: За обвинетите од Албанија, Косово и Македонија за трговија со дрога побарани 153 години затвор

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Јавното обвинителство на Франција побара вкупно 153,5 години затворска казна во маратонското судење на 35 лица од Албанија, Косово и Македонија обвинети за трговија со дрога во организирана група на територијата на „Трите граници“, поточно Франција, Германија и Швајцарија.

657FA53F252872439AE6DF06FFE569CD

Судењето на 35 лица започна на 28 септември, а меѓу обвинетите има и три лица од Македонија, кои се товарат за шверц со наркотици – хероин и кокаин во стотина килограми, според обвинителството, во регионот на Сен-Луи, на трите граници со Франција, Швајцарија, Германија.

Истрагата, беше отворена во текот на втората половина од 2010 година. Опфати истражување, со повеќе физички набљудувања, прислушувања и озвучувувања на автомобили, што доведе до масовна полициска акција на апсења на 16 октомври 2012 од страна на швајцарската, француската и германската полиција.

Обвинителите побараните високи казни ги образложија во нивниот завршен збор, кој траеше неверојатни 7 часа и 10 минути. Покрај побараните 153,5 години затворска казна, кои се движат од една до 10 години, за сите обвинети, освен тие кои имаат француско државјанство, побарано е доживотна забрана за престој на француска територија, протерување од француската територија по издржувањето на казната и нивно испраќање во затвор по соопштувањето на пресудите, за лицата кои не ги имаат доиздржано казните, како и налози за апсење на лицата кои се во бегсто.

Најголемиот број од обвинетите веќе имаат поминато од една до две години во затвор во рамки на истражната постапка, а пет лица се` уште се во затвор.

Обвинтелството побара и високи парични казни за обвинетите кои заедно изнесуваат околу 350. 000 евра, како и одземање на нивните запленетите добра.

За обвинителството „казната затвор е прифатлив ризик за деликвентите, но не и одземањето на плодовите од криминалот“.

Според оценката на набљудувачите на судењето, Јавното обвинителство на меѓурегионалната специјализирана судска инстанца, побара казни за „пример“, бидејќи максималната казна за овие дела изнесува 10 години затвор. Јавниот обвинител во воведниот збор, пред да се посвети на секој обвинет поединечно, посебно инсистираше на фактот дека „од пред десетина години албанската криминална средина скоро целосно ја контролира трговијата со хероин и кокаин во регионот на границата меѓу Франција, Швајцарија и Германија“, повикувајќи се на статистичките податоци од француските затвори, каде бројот на затворениците со албанско државјанство се зголемил за неколкупати во последниве години. Оваа група, на која и се судеше, според обвинителството, не функционирала на пирамидален, туку на клански начин, со многу ограноци.

При апсењата кои беа спроведени од страна на специјализираните полициски сили на Франција, Германија и Швајцарија во 2012 година, беа пронајдени 8,5 килограми хероин и кокаин, 50 килограми производи за мешање на дрога и големи суми на пари.

За македонските државјани се побарани казни затвор од 5, 6 и 7 години затвор.

На адвокатите за нивниот завршен збор на одбраната им беа потребни два дена за да ги изнесат нивните аргументи и да ги отфрлат доказите на обвинителството, во едно досие кое брои околу 40.000 страници или околу дваесетина сандаци со документи. Во текот на судењето адвокатите често ја критикуваа истражната постапка, како и арбитрарното држење во привремена мерка затвор на обвинетите, од кои некои чекаат на судењето веќе три години во затвор. Но, претседателот на судот од Нанси, го отфрли барањето на адвокатите за ослободување на четворица од нив за да се бранат од слобода до крајот на судењето.

Судскиот совет на Специјализираниот меѓурегионален суд со седиште во Нанси, во моментов заседава за донесување на судските одлуки за 35-мината обвинети, кои како што беше најавено ќе треба да бидат соопштени доцна вечерва.

Извор: Утрински Весник

Препорачуваме

Партнери на Правдико