Германија испраќа 20 полицајци на српско-унгарската граница

Германија денеска соопшти дека испратила 20 полицајци на границата меѓу Унгарија и Србија со цел да помогнат во контрола на зголемување на бројот на баратели на азил, кои заминуваат во земјите на ЕУ, посебно во Германија, која овозможува значајна социјлна помош.

Во ЕУ е регистриран огромен пораст на бројот на косовски граѓани кои заминуваат во европските земји, посебно кога се усвоија не толку строги прописи за патување, што им овозможува да стигнат до границата на Инијата преку српска територија.

Германското Министерство за внатрешни работи соопшти дека властите во Берлин ќе одлучуваат околу барањата за азил поднесени од косовски граѓани во рок од две недели и ќе ги зајакнат напорите за да укажат дека не е лесно да се добие азил во Германија.

Извор: Нова Македонија