Германија очекува 3,6 милиони бегалци

Германската влада очекува до 2020 година во земјата ќе стигнат вкупно 3,6 милиони бегалци, во просек по половина милион секоја година, објавија медиумите. Германија во текот на 2015 година прифати 1,1 милион бегалци.

Прогнозите се темелат на процените на германското министерство за економија, во соработка со другите министерства.

За да изработи процена на економскиот развој, министерството за економија подготвило „интерна, чисто техничка процена во соработка со другите министерства“.

Не постои официјална процена на бројот на бегалците што Германија може да очекува да ги прими следните години, бидејќи бројките се многу променливи.

Доаѓањето на 1,1 милион бегалци во текот на минатата година, кои се вклучени во процената до 2020 година од 3,6 милиони мигранти, значајно ги оптовари германските социјални служби и го интензивираше притисокот врз владата на канцеларката Ангела Меркел.

Извор: Мета