Гостиварец ја претепал поранешната девојка

Дваесет и тригодишно момче ја претепало поранешната девојка. Тој ја удирал со тупаници по телото и главата. Повредената била пренесена во болница.

Според информациите на МВР, вчера А.Е. (38), која привремено престојувала во Гостивар, пријавила дека Ј.Х. (23) од село Здуње, Гостиварско, со кого била во љубовна врска, физички ја нападнал.

„Ј.Х. истиот ден, во неколку наврати, влегол и излегол од нејзиниот стан во кој живеела под кирија. Околу 18.30 часот ја нападнал додека била пред влезот на станбената зграда, ја соборил на земјата и повеќепати ја удрил со тупаници по главата и телото. Таа била пренесена во гостиварската болница, каде што ѝ била укажана лекарска помош. Ј.Х. бил повикан во Полициската станица Гостивар“, велат од МВР и додаваат дека по документирање на случајот, ќе биде поднесена кривична пријава.

Извор: Макфакс