Правдико

   

Грчкиот Парламент расправа за Протоколот за пристап на Македонија во НАТО

© Copyright 2018 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Во грчкиот Парламен со задоцнување од 40 минути, започна расправата на пленарна седница за нацрт законот од Министерството за надворешни работи „Ратификација на Протоколот кон Северноатлантскиот договор за пристап на Република Северна Македонија“, јави МИА од Атина.

Збор ќе земат известувачите за нацрт договорот, министри од владата, пратеници, а ќе заврши со гласање на сите пратеници.

За да се изгласа Протоколот за наше членство во НАТО, потребен е минимум 151 глас, а очекувањата во Грција се дека пратениците кои ја поддржаа ратификацијата на самиот договор, денес ќе го поддржат и Протоколот.

Алтернативниот министер за надворешни работи на Грција, Јоргос Катругалос, на брифингот со странските дописници во Атина, одговарајќи на прашањето кога новинарите во нивните
текстови и официјално ќе треба да почнат да го користат новото име Северна Македонија изјави дека во прашање се денови.

“По гласањето на Протоколот, праќаме Вербална нота до Министерството за надворешни работи на Северна Македонија, а тие веднаш, можеби истиот ден, може следниот ги известуваат ОН и сите земји што ги имаат признато со претходното уставното име, дека новото уставно име е Северна Македонија. Во прашање се денови”, рече Катругалос.

Извор: Радио слободна Европа

Партнери на Правдико