Грик репортер: Грција ја засилува заштитата на границата поради политичката криза во Македонија

Грција презема мерки за засилување на заштитата на својата граница поради политичката криза во Македонија, пренесува Грик репортер. „Грчките власти се загрижени поради можноста соседната држава, која долго време е во политичка криза, да се распадне и тоа да доведе до миграција на луѓето“, коментира грчкиот весник.

Европската комисија почна иницијатива за создавање канцеларија за информации и анализи во Скопје, со сите земји членки на Европска Унија кои имаат дипломатски претставници во земјата. Целта на оваа канцеларија е да пренесува информации од местото на настаните кон надлежните органи во земјите членки, за Унијата по потреба да може да ги координира своите активности.

Извор: Макфакс