Грција на предвремени избори, Сириза пред конгрес | Правдико

Правдико

   

Грција на предвремени избори, Сириза пред конгрес

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Политичкиот секретаријат на грчката владејачка партија Сириза синоќа одржа состанок со што ги почна подготовките за итниот партиски конгрес што треба да се одржи следниот месец, на кој треба да бидат решени разликите во рамките на партијата околу третата финансиска помош за земјата.

Alexis Tsipras

Членовите на партиското тело одлучија оваа недела да почнат со именување на членовите на двете комисии кои ќе го изготват дневниот ред на конгресот во септември. Состанокот се одржа откако поранешниот министер за енергетика Панајотис Лафазанис, кој ја предводи радикалната Лева платформа на Сириза, повторно го нападна новиот договор меѓу Владата и нејзините доверители.

– Знам дека ќе продолжи да ја уништува нашата земја и да го повредува нашиот народ, рече тој во врска со помошта и нагласи дека неговото крило нема да гласа „нов меморандум“.

– Сите пратеници во нашата парламентарна група ќе мора да го преразгледат нивниот став, и да ја измерат тежината на нивните одговорности и ветувањата што ги дале на грчкиот народ, рече Лафазанис.

Во меѓувреме, владини претставници се почесто зборуваат за можноста за предвремени избори на есен. Портпаролот на Владата, Олга Геровасили, изјави дека гласањето можеби не е далеку.

– Изборите се можност, но тоа не значи дека токму сега треба се фокусираме на тоа кога би можеле да се одржат, изјави таа за телевизијата „Скај“.

Извор: Утрински Весник

Партнери на Правдико